Бұқаралық оферта

www.tumar-carpets.kz домендік атауында орналасқан интернет-дүкен, бұдан әрі «Сатушы» деп аталатын «Tumar Carpets» ЖШС (БСН 220540031367), Тауарды қашықтықтан сату туралы Бұқаралық офертаны жариялайды.

1. Терминдердің анықтамасы

1.1. Бұқаралық оферта (бұдан әрі – «Оферта») – Сатушының белгісіз тұлғалар тобына бағытталған, осы Офертада (барлық қосымшаларды қоса алғанда) қамтылған шарттарда Сатушымен тауарды қашықтықтан сатып алу-сату шартын (бұдан әрі – «Шарт») жасасу туралы бұқаралық ұсынысы. 1.2. ТҚҚЗ – «Тұтынушылардың құқықтарын қорғау туралы» Қазақстан Республикасының 2010 жылғы 4 мамырдағы № 274-IV Заңы. 1.3. Интернет-дүкен – осы Оферта жарияланған «Tumar Carpets» ЖШС-нің интернет-ресурсы (сайты).

2. Жалпы ережелер

2.1. Сатушының дүкендерінде немесе интернет-дүкенінде тапсырыс беру және/немесе тауар үшін (толық немесе ішінара) төлем жасау Сатып алушының осы Офертаның барлық шарттарымен келісетінін және оны сөзсіз қабылдағанын (акцептеуін) білдіреді. 2.2. Егер Интернет-дүкен сайтында өзгеше көрсетілмесе, Офертаның қолданылу мерзімі шектелмеген. 2.3. Сатушы Тұтынушыға Тауар туралы толық және шынайы ақпаратты, соның ішінде Тауардың негізгі тұтынушылық қасиеттері туралы ақпаратты ұсынады. 2.4. Тауардың сипаттамалары мен сыртқы түрі сайтта сипатталғаннан өзгеше болуы мүмкін. Сатып алушы мониторлар мен экрандардың түс беруі бұйымның нақты реңкін бұрмалауы мүмкін екенін мойындайды. Қолдан тоқылған кілемдер үшін өлшемдері 15 см-ге дейін ауытқуы және өрнек симметриясындағы шамалы дәлсіздіктерге жол беріледі, бұл қол еңбегінің ерекшелігі болып табылады және ақау (брак) болып танылмайды. 2.5. Тауарды пайдаланудың кепілдік мерзімін өндіруші белгілейді. Кепілдік мерзімі мен шарттары кепілдік талонында көрсетіледі. 2.6. Сатушы шарт жасалғанға дейін оның шарттарын біржақты тәртіппен өзгерту құқығын өзіне қалдырады. 2.7. Тұтынушының Интернет-дүкен сайты арқылы Тапсырыс беруі Сатушының дербес деректерді жинауына, сақтауына, өңдеуіне және беруіне Тұтынушының келісім беруін білдіреді. 2.8. Осы Офертаны қабылдай отырып, тұтынушылар https://tumar-carpets.kz/ интернет-ресурсына кіру арқылы Офертаға, акцияларға, қызметтер мен жұмыс шарттарына енгізілетін өзгерістерді өз бетінше тексеру міндеттемесін алады.

3. Тауардың бағасы

3.1. Тауардың құны Интернет-дүкен сайтында тауардың белгілі бір позициясына қатысты ақпаратта алдын ала құнын теңгемен көрсету арқылы белгіленеді. 3.2. Тапсырысты бекіту және Тауарды босату алдында Сатушы тауардың құнын Сатушының ішкі мәліметтеріне сәйкес тексереді және ауызша немесе жазбаша хабарлама арқылы Тұтынушыға Тауардың дұрыс және толық құнын хабарлайды. 3.3. Сайтта көрсетілген Тауардың құнында анық техникалық қате (соның ішінде деректерді енгізу қатесі немесе жүйелік ақау) анықталған жағдайда, Сатушы келесіге құқылы:

• 3.3.1. Тапсырысты біржақты тәртіппен тоқтату. Бұл жағдайда Сатушы Тұтынушыға тапсырыстың жойылғаны туралы хабарлауға және іс жүзінде төленген ақшалай қаражатты толық көлемде қайтаруға (егер төлем жасалған болса) міндетті.

• 3.3.2. Ақшаны қайтару төлем жасалған тәсілмен, эмитент-банк белгілеген мерзімде жүзеге асырылады.

• 3.3.4. Тұтынушы Тауардың толық құнын төлемеген жағдайда, Сатушы Шартты біржақты тәртіппен бұзуға, Тапсырысты бекітуден бас тартуға немесе Тапсырыстың күшін жоюға құқылы.

4. Тапсырысты рәсімдеу

4.1. Тауарға тапсырыс беруді Тұтынушы телефон арқылы Оператор арқылы немесе Интернет-дүкен сайтының сервисі арқылы жүзеге асырады. 4.2. Интернет-дүкен сайтында тіркелу кезінде Тұтынушы келесі ақпаратты ұсынуға міндеттенеді: тегі, аты, жеткізу мекенжайы, электрондық поштасы және байланыс телефоны. 4.10. Сатушы мен Тұтынушы арасындағы қашықтықтан сатып алу-сату шарты Сатушы Тұтынушыға кассалық немесе тауарлық чекті не тауардың төленгенін растайтын өзге құжатты берген сәттен бастап жасалды деп есептеледі.

5. Тауарды жеткізу және тұтынушыға беру

5.1. Сатушы Тұтынушыға Интернет-дүкен сайтында көрсетілген тәсілдердің бірімен Тауарды жеткізу бойынша қызметтер көрсетеді. 5.3. Тауар тікелей Сатып алушыға да, тапсырыста Алушы ретінде көрсетілген кез келген үшінші тұлғаға да берілуі мүмкін. 5.4. Тауарды алу сәтінде тапсырысты қабылдап алушы тұлға қаптаманың бүтіндігін, бұйымның сыртқы түрін және оның санын тексеруге міндетті. Тауарды қабылдап алғаннан кейін (курьердің құжаттарына қол қойғаннан немесе СМС-кодпен растағаннан кейін) Сатушы сыртқы зақымдар, дақтар, ақаулар немесе саны бойынша шағымдарды қабылдамайды. 5.6. Тауарды беру фактісі курьердің жүкқұжатына қол қоюмен немесе СМС-кодты енгізумен (егер бұл курьерлік қызметте қарастырылған болса) расталады. Бұл әрекет тауардың толық көлемде және тиісті күйде алынғанын білдіреді.

6. Тауарды қайтару және айырбастау

6.1. Тұтынушының тауарды айырбастау немесе қайтару туралы талабы Қазақстан Республикасының «Тұтынушылардың құқықтарын қорғау туралы» Заңына сәйкес қаралуға жатады. 6.2. Тұтынушы тиісті сападағы тауарды айырбастауды немесе қайтаруды ұйымдастыруға байланысты Сатушы шеккен қажетті көлік шығындарын өтейді. Түсі, өлшемі немесе фасоны сәйкес келмеген (тиісті сападағы) тауар қайтарылған жағдайда, Сатып алушыға алғашқы жеткізу құны қайтарылмайды. 6.3. Бонустар есептелген тауарды қайтарған кезде, есептелген мөлшерде бонустарды кері есептен шығару/сторнирлеу жүзеге асырылады. Егер бонустар жұмсалған болса, Сатушы қайтарылатын сомадан жұмсалған бонустың мөлшерін ҚР Азаматтық кодексінің 953-бабы 1-тармағына сәйкес ұстап қалуға құқылы. 6.6. Егер Тұтынушы негізгі тауарды сатып алу кезінде акциялық тауарды (сыйлықты) алса, онда негізгі тауарды қайтарған кезде акциялық тауар да бірге қайтарылуы тиіс.

7. Сатушының деректемелері

Сатушы: Компания: «TUMAR CARPETS» ЖШС Мекенжайы: Қазақстан, Астана қаласы, Мәңгілік Ел даңғылы, 38-үй, 1-т.ж.е. БСН (БИН): 220540031367 Банк: «Kaspi Bank» АҚ КБе: 17 БИК: CASPKZKA Шот нөмірі: KZ65722S000016422518 Тел: +7 700 178 2626 Эл. пошта: tumar.carpets@gmail.com

Бұқаралық офертаның мәтінімен мұқият танысыңыз, егер сіз офертаның қандай да бір тармағымен келіспесеңіз, сіз Сатушы ұсынатын Тауарларды сатып алудан бас тартуға және осы Офертаның 2.1-тармағында көрсетілген әрекеттерді жасамауға құқылысыз.